खलङ्गा । कोभिड–१९ को बन्दाबन्दिको कारण लामो समय सम्म विद्यायलहरुमा पठनपाठन गराउन सम्भव नभएपछि जुम्लाको चन्दननाथ नगरपालीकाले सोमवार देखी स्थानिय सामुदायीक रेडियो मार्फत जिल्लामा कक्षा सञ्चालन सुरु गरेको छ ।
बन्दाबन्दिले लामो समय देखी विद्यालयका पठनपाठन प्रभाबित हुनथालेपछि स्थानिय सामुदायिक रेडियोबाट पढाउन शुरु गरिएको नगरपालिकाका उपप्रमुख अप्सरादेवी न्यौपानेले बताउनु भएको छ ।
सवै स्थानियतहमा कुल १७० सामुदायीक विद्यालयहरु रहेको जुम्ला जिल्लामा चन्दननाथ नगरपालिकाले कक्षा ४ देखि कक्षा १० सम्मका बिद्यार्थीहरुका लागी रेडीया कक्षा सञ्चालनमा ल्याएको हो ।
सामुदायिक रेडियो कर्णाली एफएम, रेडियो नारी आवाज र रेडियो खुला आकाशबाट प्रत्येक दिन अनिवार्य अनिवार्य अङ्ग्रेजी, गणित, विज्ञान, नेपाली र सामाजिक विषयको र कक्षा सञ्चालनमा ल्याईएको पनि नगरपालिका शिक्षा तथा खेलकूद शाखाका प्रमुख खडानन्द चौलागाईँले जानकारी दिनुभएको छ ।
आठ स्थानिय तह रहेको जुम्ला जिल्लाको सबै स्थानिय तह ईन्टरनेटको पहँचमा नरहेकोले जिल्लामा अनलाईन अध्यापन कठिन रहेको तिला गाँउपालिका का अध्यक्ष रतननाथ योगीले बताउनु भएको छ ।