काठमाडौँ । नेपाली कांग्रेसले पार्टीको नयाँ क्रियाशील सदस्यता सहज र सरल रुपमा आवेदन फाराम भर्न खुला गरेको छ ।
पार्टीका महामन्त्री एवं पार्टीको सदस्यता व्यवस्थापन केन्द्रीय समितिका संयोजक प्रदीप पौडेलको अध्यक्षतामा बसेको बैठकले सो निर्णय गरेको कार्यवाहक मुख्यसचिव कृष्णप्रसाद दुलालले जानकारी दिनुभयो ।
समितिको बैठकले नेपालको संविधान र पार्टीको विधानअनुसार योग्यता पुगेका नागरिकले नयाँ क्रियाशील सदस्य बन्नका लागि पार्टीको वेबसाइटमार्फत सहज तथा सरल रुपमा आवेदन फाराम भर्न सकिनेगरी खुला गरेको जनाएको छ ।
