इटहरी । जेन–जी आन्दोलनका कारण पठन–पाठन स्थगित भएका इटहरी उपमहानगरपालिका भित्रका सबै विद्यालय मङ्गलवार भदौ ३१ गतेदेखि सञ्चालन हुने भएका छन् ।
उपमहानगरपालिकाको शिक्षा प्रशासन महाशाखाले सूचना जारी गर्दै आन्दोलनका कारण भदौ २४ गतेदेखि विद्यालय बन्द रहँदा अध्ययन प्रभावित भएको जनाउँदै अब मङ्गलवारदेखि विद्यालय नियमित रूपमा सञ्चालन हुने उल्लेख गरेको हो । सूचनामा विद्यालय सञ्चालक, शिक्षक तथा अभिभावकलाई समयमै जानकारी गराई शिक्षणमा सहजीकरण गर्न आग्रह गरिएको छ ।
