इटहरी । मोरङको उर्लाबारीमा संचालित बालगृह परिसरमा योग विधाका खेलाडी छनौट गरिएकोछ ।
यही फागुन १० गते हुने राष्ट्रिय योग खेलमा सहभागी गराउनको निम्ति बुधवार कोसी प्रदेश स्तरीय योगा खेलाडीहरुको छनौट प्रतियोगिता सम्पन्न गरिएको हो ।
छनौट चरणमा ७५ योग खेलाडी सहभागि रहेका थिए । ती मध्ये ४५ जना खेलाडी राष्ट्रिय प्रतियोगिताका लागि छनौट भएको योग खेलकुद संघ कोशी प्रदेश अध्यक्ष डा.खगेन्द्र ओलीले जानकारी दिए । छनौट प्रतियोगितामा डा. आनान्द गैरे, उर्लाबारी नगरपालिका वडा नम्बर–५की वडा अध्यक्ष उर्मिला थापा, संघका केन्द्रिय उपाध्यक्ष कैलास विष्टको उपस्थिति रहेको थियो । छनौट प्रतियोगिता सम्पन्न गर्न सहयोग गर्ने संघका पदाधिकारीहरुलाई बालगृहकी अध्यक्ष मिनादेवी बरालले धन्यवाद ज्ञापन तथा आभार समेत व्यक्त गरेकी छन् । छनौट कार्यक्रमको संचालन संघका प्रदेश सचिव रमेश खत्रीले गरेका थिए ।
