इटहरी । चर्चित गायक सुगम पोखरेलले मकाउमा साँगीतिक प्रस्तुती दिने भएका छन् । डिसेम्बर २१ मा एस्कट होटल, दोस्रो तल्ला (रेड हाउस) मा आयोजना हुने एनआरएनए सांस्कृतिक सांझमा उनले प्रस्तुति दिन कार्यक्रम तय गरिएकोछ । सोही साँझ कार्यक्रममा डान्सर वर्षा उप्रेतीको पनि नृत्य प्रस्तुत हुनेछ ।
यो कार्यक्रम नेपाल हङकङ (एस ए आर) र मकाउ (एस ए आर) को महावाणिज्य दूतावास र नेपाल एयरलाइन्सको सहयोगमा एनआरएनए–एनसीसी मकाउले संयोजन गरेको हो ।
पोखरेलले आफ्ना पुराना र नयाँ गीत गाउने योजना बनाएको बताए ।
गायक पोख्रेलका कार्यक्रम संयोजक युस्टल दाहालले नेपाली संगितप्रेमीहरुको व्यापक सहभागिताको अपेक्षा राखिएको बताए ।
