इटहरी । नेपाल बुद्धिजीवी संगठनको सुनसरी जिल्ला भेला शनिबार इटहरीमा सम्पन्न भएको छ ।
नरबहादुर कर्माचार्य बहुप्राविधिक शिक्षालयको सभाहलमा भएको भेलाले धरणीधर बराललाई सुनसरी जिल्ला संयोजक चयन गरेको छ ।
सहसंयोजकमा इटहरीका अग्रज पत्रकार अर्जुन शर्मा चयन भएका छन् । त्यसैगरि, रन्जनकुमार मेहता पनि सहसंयोजकमा चयन भएका छन् । शर्मा प्रेस सेन्टर नेपाल सुनसरी संयोजक हुदै केन्द्रीय सदस्यको जिम्मेवारीमासमेत छन् ।
संगठनको जिल्ला सचिवमा सेमन्त खनाल चयन भएका छन् । संगठनको सदस्यहरुमा लक्ष्मीप्रसाद घिमिरे, एकराज खत्री, शेषकुमारी घिमिरे, पवनकुमार साह, दिनेश यादव रहेका छन् ।
बुद्धिजीवी भेलालाई प्रशिक्षण दिदै नेकपा (माओवादी केन्द्र) का केन्द्रीय सदस्य एवम् सुनसरी इन्चार्ज निर्मल वराल, सोही पार्टीका प्रदेश १ उपाध्यक्ष शिवकुमार डाँगी, बुद्धिजीवी संगठनका केन्द्रीय नेता जंगराज गिरीले पार्टीलाई बुद्धिजीवी क्षेत्रमा व्यापक विस्तार गर्न सुझाव दिएका थिए ।
