इटहरी । सुनसरीको इटहरीमा रहेको बरन्डा होटलमा स्तरिकृत परीक्षाका लागि प्रश्न निर्माण सिप विकास सम्बन्धि ३ दिने प्रशिक्षक प्रशिक्षण कार्यशाला सुरु भएको छ ।
राष्ट्रिय परीक्षा बोर्ड सानोठिमी भक्तपुरको आयोजना तथा गाउँपालिका राष्ट्रिय महासंघ नेपाल, नगरपालिका संघको सहकार्यमा कार्यशाला सुरु भएको हो ।
कार्यशालामा कोशी प्रदेशका २१ गाउपालिका १४ नगरपालिका गरि जम्मा ३५ पालिकाको विद्यालयबाट शिक्षक शिक्षिकाहरुको सहभागिता रहेको छ । जसमध्ये एउटा पालिकाबाट तीन जनाको दरले जम्मा १०५ जना शिक्षक शिक्षिकाहरुले उपस्थिति जनाएका छन् ।
कार्यशालामा अंगे्रजी, गणित र विज्ञान विषयका शिक्षक, शिक्षिका सहभागि रहेका छन् । अहिलेसम्म प्रश्न पत्र तयारीका सम्बन्धमा बिद्यार्थीले कम बुझ्ने गरेको पाइएको छ । बिद्यार्थीकालागि तयार पारेको प्रश्न पत्र सजिलै बुझुन् र प्रश्नपत्र तयार गर्दा पाठ्क्रमबाट र गे्रडमा भएका प्रावधानहरु समायोजन गरि प्रश्नपत्र तयार गर्ने बिषयमा कार्यशाला गरिएको राष्ट्रिय परीक्षा बोर्ड विराटनगरका प्रमुख जिवनप्रसाद गड्तौलाले बताए ।
