इटहरी । सुनसरीको इटहरीमा १७ औं गणतन्त्र दिवस मनाइएको छ ।
नेकपा (माओवादी केन्द्र) को सहायक संगठन योङ्ग कम्युनिष्ट लिग (वाइसीएल) इटहरी नगर कमिटि, जनवर्गीय संगठनहरु अनेम संघ (क्रान्तिकारी), अखिल क्रान्तिकारी र दलित मुक्ति मोर्चाको संयुक्त आयोजनामा मंगलबार साँझ इटहरी चौकमा दिप प्रज्ज्वलन गरि गणतन्त्र दिवस मनाइएको हो ।
दिप प्रज्वलनपछि आयोजना गरिएको कोणसभामा नेकपा (माओवादी केन्द्र)का केन्द्रीय सदस्य एवम् सुनसरी जिल्ला पार्टी इन्चार्ज निर्मल वराल, वाइसीएल नेता अविनाश लिम्बू, विद्यार्थी नेता नवीन दाहाल र दलित मुक्ति मोर्चाका नेता राजकुमार गजमेरलगायतले गणतन्त्र दिवसको उपलक्ष्यमा इटहरीवासीमा शुभकामना व्यक्त गरेका थिए ।
