बाबुराम मुडियारी
मोरङ । मोरङको ग्रामथान गाउँपालिका वडा नम्बर ५ वडा कार्यालयले सिमेन्टका २० थान कुर्सी वितरण गरेको छ । सिमेन्टका कुर्सी तेतरिया बजार चौक देखि तेतरियाको बाङे चौक सम्ममा फरक–फरक ठाउँमा राखिएको छ । सडकका दुवै छेऊमा स्थानीय र यात्रुहरूलाई सहजताका लागि राखिएको वडा नं ५ का वडा अध्यक्ष भेषनारायण चौधरीले बताए । त्यतै वडाले २ सय ४० थान प्लाष्टिक कुर्सी पनि वितरण गरेको थियो । प्लाष्टिकका कुर्सीहरू सामुदायिक भवन, चर्च, मठमन्दिर, गाउँ घर क्लिनिकलाई वितरण गरिएको वडा अध्यक्ष चौधरीले जानकारी गराएका छन् । वडाले वडा नं ५ का सामुदायिक विद्यालयका मन्टेश्वरी शिक्षिकाहरू र स्थानीय गरी २० जना लाई मन्टेश्वरी तालिम सञ्चालनको तयारी भैइरहेको र केही दिनमै सञ्चालन गरिने वडा कार्यालयले जनाएको छ । वडामा ४ वडा सामुदायिक विद्यालय रहेको छ। वडा कार्यालयले विकास निर्माणका कार्यलाई पनि तिव्रता दिएको वडाले जनाएको छ । समग्र वडा विकास निर्माण योजनाका कार्यहरू सञ्चालन गरिरहेको वडाका जनप्रतिनिधिहरू बताउँछन् ।
