इटहरी । भाषा वैज्ञानिक एवम् लोक संस्कृतिविद प्राध्यापक डाक्टर चुडामणि बन्धु र वरिष्ठ सङ्गीतज्ञ साथै लेखक बुलु मुकारुङ्ग इटहरीमा सम्मानित हुने भएका छन् ।
इटहरी साहित्यिक समूहका संस्थापक अध्यक्ष धरणीधर दाहालको स्मृति दिवसका दिन यहि फागुन ५ गते उनीहरुलाई सन्मान गर्न लागिएको समूहका सचिव जगदीश सापकोटाले जानकारी दिए ।
इटहरी साहित्यिक समूहले संस्थाका संस्थापक अध्यक्षको ९७ औं जन्म जयन्तीको अवसर पारेर धरणीधर दाहाल स्मृति पुरस्कार तथा सम्मान कार्यक्रम गर्ने तय भएको सापकोटाले बताए ।
इटहरी साहित्यिक समूह र धरणीधर दाहाल स्मृति प्रष्ठिानबाट हरेक बर्ष नगद रुपैंया र ताम्रपत्रद्वारा कला, साहित्य र संस्कृतिमा विशिष्ट योगदान गर्ने दुई जना सर्जकहरु अभिनन्दित हुदै आएका छन् । यो कार्यक्रम धरणीधर स्मृति भवन इटहरी–४ मेट्रिक्समा हुने सापकोटाको भनाइछ ।