बेलबारी । मण्डला थिएटरको युद्धका घाउहरु २.० नाटक बेलबारीमा हेरियो । मैले गेट निस्कदै गर्दा केही टिप्पणी र मिश्रित प्रतिक्रियाहरु सुने । नाटकको प्रस्तुति राम्रै रहेको, कलाकारको अभिनय राम्रै भन्ने सुनियोे । प्रस्तुति ठिकै थियो ।
तर नाटकले युद्धको वास्तविक घाउहरु देखाउन नसकेको पाइयो । राज्य र विद्रोही दुबैपक्षबाट भएका ज्यादती नै कथाको मुख्य घाउ भन्ने लागेको थियो । तर नाटकमा विद्रोहीले बनाएको घाउ मात्र देखाउन खोजियो ।
त्यसबेला जबकी मैना सुनुवार देखि कृष्णसेन इच्छुकहरु माथी बरबर दमनहरु भएको थियो । त्यस्ता घटनाका विषयमा नाटक मौन छ ।
द्वन्द्व पीडितहरु माथिनै प्राकृतिक विपत्ति आउनु राज्यले वेवास्था गर्नु अनि पलायन हुनु यथार्थ परक छ । दिनदुःखीको पीडामा मजाक गर्ने सरकारको मन्त्री प्राकृतिक विपत्तिबाट दण्डित हुने दृश्य मजाकको लागि मात्र ठिक छ । यथार्थमा त्यस्तो हुन्न ।
जनविद्रोहले पीडा मात्र दिएको छैन । माओवादी विद्रोहले गाउँमा हेपिएका, गरिब, दलित, महिला, आदिवासी आम जनतामा चेतना जगाएको र मुलुकमा नयाँ व्यवस्था ल्याएको छ यसलाई कम आक्न मिल्दैन । विभेद र अन्यायले सीमा नाघ्यो भने विद्रोह गर्ने अन्यायमा परेकाहरुको अधिकार हुन्छ । विद्रोहको स्वरुप कस्तो हुने भन्ने राज्यको व्यवहारमा भरपर्छ । समग्रमा प्रस्तुतिको आधारमा नाटक ठिकठिकै छ ।
पत्रकार भक्तशेर लिम्बूको फेसबुक वालबाट
