इटहरी । जनतासंग माओवादी विशेष रूपान्तर अभियान अन्तरगत संखुवासभाको धर्मदेवी नगरपालिका मुढेशनिश्चरेमा निःशुल्क स्वास्थ्य शिविर सम्पन्न भएको छ ।
शिविरमा विपी कोइराला स्वास्थ्य विज्ञान प्रतिष्ठान धरानका वरिष्ठ हार्डजोर्नी विशेषज्ञ डा. गुरू खनाल, कोशी अस्पताल विराटनगरका वरिष्ठ गाइनोलोजिस्ट डा.आनन्द गुरूङ, फिजिसियन डा. आकाश यादव, बालरोग विशेषज्ञ प्रदीप मेहता, नाक,कान,घाँटी तथा फिजिसियन डा.प्रवीन यादव, आखाँ रोग विज्ञ डा.ज्योति राजवंशी, वरिष्ठ ल्याव असिस्टेन्ट पंकज मेहता, रन्जन मेहता, आयुर्वेदिक डा. तिर्थ अधिकारीले सेवा दिएका थिए ।
प्रगतिशील जनस्वास्थ्यकर्मी महासंघ प्रदेश समितिको आयोजना र नेकपा (माओवादी केन्द्र) धर्मदेवी नगर समितिको व्यवस्थापनमा भएको स्वास्थ्य शिभिरमा १२ सय भन्दा बढी बिभिन्न रोगका विरामीले सेवा लिएका थिए ।
स्वास्थ्य शिविरमा विशेष सहयोग गर्ने आयोजक संस्थाकी इन्चार्ज अन्जना पोखरेल, इटहरीदेखि गएर सहयोग गर्ने माओवादी केन्द्रका नेताहरु एवम् स्वास्थ्यकर्मीहरु जंगराज गिरी, समिप ढकाल र गोमा उप्रेतीले पनि शिविरमा सेवा दिएका थिए ।
स्वास्थ्य शिभिर सफल बनाउन माओवादी केन्द्र धर्मदेवी नगर इन्चार्ज, अध्यक्ष, पदाधिकारी र नगर सदस्यहरुको सक्रिय भूमिका रहेको थियो । स्थानीय सिंहेश्वरी माविका विद्यालय व्यवस्थापन समिति अध्यक्ष र सहायक प्रधानाध्यापक लगायतले पनि शिविर सम्पन्न गराउन सहयोग गरेका छन् ।
