इटहरी । मोरङको बुढीगंगा गाउँपालिकामा जनतासंग माओवादी विशेष रुपान्तरण अभियानको शनिबार उद्घाटन गरिएको छ ।
बुढीगंगा गाउँ पार्टी अध्यक्ष डिल्ली आचार्यको धानखेत गोडेर तीन महिने अभियान उदघाटन गरिएको नेकपा (माओवाद केन्द्र) कि केन्द्रीय सदस्य अनिता परियारले बताइन् । अध्यक्ष आचार्य मोटरसाइकल दुर्घटनामा परि उपचारत रहेका छन् ।
संविधानसभा सदस्यसमेत रहेकी परियारलाई यस पालिकामा अभियान संचालन गर्ने जिम्मेवारी तोकिएको छ ।
साथै बुढीगंगा गाउँपालिकाकै वडा नम्बर ७ मा वृक्षरोपण गरि सो अभियानको उद्घाटन गरिएको छ । सार्वजनिक स्थानमा सरसफाई गरि अभियानलाई अघि बढाइएको परियारले जानकारी दिइन् । सोही पालिकाको वडा नं. १, २, ३, ४ र ५ मा घर घरमा माओवादी, जन जनमा माओवादी भन्ने सन्देश दिंदै अभियानको थालनी गरिएको छ । अभियान विभिन्न चरणमा तीन महिनासम्म संचालन हुने उनको भनाइछ ।
