पाँचथर । बाढी पहिरोका कारण पिडित बनेका पाँचथरको याङवरकका ६७ परिवारलाई क्युक रेष्क्यु टिमले खाद्यान्न सहयोग गरेको छ ।
बाढी पहिरो पिडित याङवरक गाउँपालिका वडा नम्बर १ र २ का ६७ परिवारलाई इसाई समाज कोशी प्रदेशको सहकार्यमा खाद्यान्न उपलव्ध गराइएको बताइएको हो । क्युक रेष्क्यु टिमका अध्यक्ष विक्रम एक्तेनले याङवरकका ६७ परिवार र संखुवासभाका विभिन्न जोखिमपुर्ण स्थानमा वस्दै आएका १६ घर परिवारलाई अस्थायी रुपमा सुरक्षीत स्थानमा वसोवासको व्यवस्था मिलाएर खाद्यान्न सामाग्री २५ केजी चामल, तेल, सावुन, टिसर्ट लगायतका सामाग्रीहरु वितरण गरिएको समेत अध्यक्ष एक्तेनले बताए ।
यस अघि पनि क्युक रेष्क्यु टिमले बाढी पहिरो पिडित तथा कोरोना कालमा समेत विपन्न परिवारका लागि खाद्यान्न सहयोग गर्दै आएको छ । कोरोना कालमा स्वास्थ्य सुरक्षा सामाग्री औषधी, पोटेवल अक्सिजन लगायतका सामाग्रीहरु समस्यामा परेकाहरुलाई घरघरमा पुगेर उपलव्ध गराउदै आएको थियो ।
