बराहक्षेत्र । धर्तिकै पहिलो तिर्थ स्थल मानिने सुनसरीमा रहेको बराहक्षेत्र मन्दिरको सरसफाईमा सहयोग पुर्याउने उद्देश्यले रोटरी क्लब अफ इटहरीले मन्दिरलाई डस्टविन उपलव्ध गराएको छ ।
मन्दिर क्षेत्रको सरसफाईलाई मध्यनजर गर्दै फोहोर व्यवस्थापनमा सहयोग पुगोस् भनेर रोटरी क्लब अफ इटहरीले १५ वटा डस्टविन मन्दिरका लागि हस्तान्तरण गरिएको हो ।
बराहक्षेत्र मन्दिरमै एक कार्यक्रमको आयोजना गरी क्लबले मन्दिर क्षेत्रको सरसफाईमा सहयोग पुर्याउन डस्टविन क्लबका अध्यक्ष संयोग पराजुलीले हस्तान्तरण गरेका हुन् । सो अवसरमा बराहक्षेत्र मन्दिरका मूल पुजारी, स्थानीय जनप्रतिनिधि तथा स्थानीय सामाजिक संघसंस्थाका प्रतिनिधिको समेत उपस्थिति रहेको थियो । मन्दिर क्षेत्रको सरसफाईमा सहयोग पुर्याउने डस्टविन वितरण गर्ने काम राम्रो भएको स्थानीयले भएको भन्दै स्थानीयले रोटरी क्लबको प्रशंशा समेत गरेका छन् । मन्दिर क्षेत्रमा जथाभावी रुपमा आफुले प्रयोग गरेका सामानहरुको खोल तथा अन्य सामानहरु फ्याँक्दा फोहोरमैला हुने तर्फ मध्यनजर गर्दै फोहोरजन्य वस्तुहरु डस्टविनमा फ्याँक्दा फोहोर नहुने र मन्दिर क्षेत्र सफा सुन्दर देखिने तर्फ मध्यनजर गर्दै डस्टविन विरतण गरिएको अध्यक्ष पराजुलीले जानकारी दिए ।
रोटरी क्लव अफ इटहरी २५ बर्ष अघि स्थापना भएर इटहरी तथा आसपासका क्षेत्रहरुमा शिक्षा, स्वास्थ्य, खानेपानी, सरसफाइ लगायतका क्षेत्रमा काम गर्दै आएको छ ।
