धिरेन्द्रकुमार चौधरी रामधुनी । सार्वजनिक बिद्यालयमा पठन–पाठन गुणस्तरीय बनाउन तथा बिद्यालयको शैक्षिक बिकासका लागि ब्यबस्थापन समिति गठन हुनु पर्ने शैक्षिक प्रावधान रहेको छ । सामुदायिक बिद्यालयमा विभिन्न कारणले शैक्षिक स्तर खस्किएको अबस्थामा ब्यबस्थापन समिति नहुनु एक कारण रहेको सरोकारवाला बताउछन् । दिद्यालय ब्यबस्थापन समितिको शैक्षिक क्षेत्र बिकासका लागि अनुगमन, निरिक्षण र बिद्यालय प्रशासनको सहकार्यमा शैक्षिक क्षेत्र बिकासका विभिन्न काम गर्ने प्रावधान रहेको छ । बिद्यालयमा व्यवस्थापन समिति नहुदा शैक्षिक क्षेत्र लथालिङ्ग भएको स्थानीयबासीले बताएका छन् । रामधुनी नगरपालिका वडा नम्बर ९ मा रहेको श्री चन्द्र कमल माबिमा ब्यबस्थापन समिति नहुदा पठन–पाठनको स्तर खस्किदै गइरहेको स्थानीयबासिले बताएका हुन् । बिगत चार महिनादेखि बिद्यालय ब्यबस्थापन समितिबिहिन रहेको छ । यस अघि बिद्यालयमा रहेको ब्यबस्थापन समितिका पदाधिकारी प्रायले स्थानीय तहको निर्बाचनमा उम्मेदवार भै चुनाब जितेको र अध्यक्षको निधन भएको कारण बिद्यालय ब्यबस्थापन समिति बिहिन बन्न पुगेको छ । नयाँ ब्यबस्थापन समिति गठन गर्न बिद्यालय प्रशासनले खासै चासो नलिदा समिति बिहिन बन्न पुगेको हो । यस सम्बन्धमा बिद्यालयका प्रअ मायाराम चौधरीसंग कुरा गर्दा गठन गर्ने जानकारी दिएका छन् । त्यसैगरी रामधुनी २ मा रहेको राजेश्वरी आधारभुत बिद्यालयमा ब्यबस्थापन समिति गठन हुन सकेको छैन । बिद्यालयका प्रअ परिवर्तन हुदा समयमा समिति गठन हुन नसकेको बताइएको छ । स्थानीय जनप्रतिनिधिले पनि सार्वजनिक बिद्यालयको शैक्षिक बिकासका लाग चासो नलिदा बिद्यालय अभिभावक बिहिन बन्न पुगेको छ । यस सम्बन्धमा रामधुनी–९ का वडा अध्यक्ष घनश्याम चौधरी संग बुझ्दा उनले आफूले पटक–पटक बिद्यालयमा ब्यबस्थापन समिति गठन गर्नका लागि कुरा चलाएको बताए । यस सम्बन्धमा रामधुनी नगरपालिका कार्यालयका शिक्षा शाखा प्रमुख राजन गेलानसंग बुझ्दा उनले रामधुनी नगर क्षेत्र अन्तर्गत दुई बटा बिद्यालयमा ब्यबस्थापन समिति नरहेको जानकारी दिए । रामधुनीमा २६ वटा सामुदायिक बिद्यालय छन् भने एउटा मदर्सा रहेको छ ।
