धिरेन्द्रकुमार चौधरी
रामधुनी । सुनसरी स्थित रामधुनी नगरपालिकाको ९ नम्बर वडा कार्यालय आधारभूत स्वास्थ्य सेवा केन्द्र भबनको सोमबार उद्घाटन गरी सेवा संचालन दिन थालिएको छ । स्वास्थ्य सेवा केन्द्रमा एक जना कर्मचारी दुई जना स्वास्थयकर्मी सहित तीनजना कार्यरत रहेका छन् ।
रामधुनी नपा कार्यालयका पूर्व नगरप्रमुख जयप्रकाश चौधरीले एक कार्यक्रम बिच भबनको उद्घाटन गरे । सो अबसरमा उनले वडाबासीलाई स्वास्थ्य सेवा लिन सहज हुने धारणा राखे । रामधुनी ९ का वडा अध्यक्ष घनश्याम चौधरीको अध्यक्षता भएको कार्यक्रममा उनले आधारभूत स्वास्थ्य सेवा केन्द्रको आफ्नै भवन भएपछि स्थानीयबासी सबैको स्वास्थ्य सेवामा सरल तरिकाले पहुच पुग्ने बिचार व्यक्त गरे ।
रामधुनी नगरपालिका कार्यालय वडा न. ९ वडा कार्यालय हाता भित्र आधारभूत स्वास्थ्य सेवा केन्द्र भबन निर्माण गरिएको छ । भबन निर्माण सम्पन्न गर्न आर्थिक बर्ष २०७८।२०७९ को पाँच लाख १४ हजार विनियोजन गरिएको थियो । सो बराबरको लागतमा उपभोक्ता समिति मार्फत भबन निर्माण सम्पन्न भएको वडा सचिब जयराम चौधरीले बताए । यस अघि ठेक्कामा उक्त केन्द्रको भबन निर्माण शुरु गरिएको थियो । रामधुनी वडा न. ९ बस्ने अनिष साहका बुबा राजेन्द्र साहले स्वास्थ्य केन्द्र भबनका लागि सबा एक कठा जग्गा निःशुल्क प्रदान गरेको वडा सचिव चौधरीले बताएका छन् ।
