धनकुटा । नेपाल राष्ट्रिय शिक्षक संगठन धनकुटाले विभिन्न माग राख्दै धनकुटा नगरपालिकालाई ज्ञापन पत्र बुझाएको छ ।
नगरपालिका क्षेत्रका सामुदायिक विद्यालयमा कार्यरत शिक्षक तथा कर्मचारीहरुको बैक खातामै मासिक तलव भत्ता उपलव्ध गराउने लगायतका मागहरु सहितको ज्ञापन पत्र नगरप्रमुख चिन्तन तामांगलाई बुझाएको हो ।
सो ज्ञापन पत्रमा धनकुटा नगरपालिका भित्रका सम्पूर्ण ईसिडि शिक्षक, बालविकास तथा विद्यालय कर्मचारीको पारिश्रमिक नेपाल सरकारले आर्थिक वर्ष २०७९÷०८० को बजेटमा तोके बमोजिम उपलव्ध गराउनु पर्ने, नगरपालिकामा शिक्षकहरुको दरबन्दी मिलान गर्दा पालिकाभित्र रिक्त हुदै जाने दरबन्दी मात्र पठाउदै जाने, अन्य पालिका वा जिल्ला रोजे स्वेच्छिक रुपमा सरुवा जान दिने व्यवस्था मिलाउन भनिएको छ । ज्ञापन पत्र वुझाउन गएका नेपाल शिक्षक संगठन धनकुटाका सचिव केदार काजी भट्टराईले तलव भत्ता निकासा गर्दा खातामै प्रत्यक्ष गरिने लगायतका विषयवस्तुहरु समेटिएका माग समेटेर ज्ञापन पत्र बुझाएको जानकारी दिए ।
ज्ञापन पत्र बुझदै नगरप्रमुख चिन्तन तामागंले ज्ञापन पत्रका विषयमा छलफल गरि निकास दिने भन्दै शिक्षकहरुलाई आस्वस्त पारे ।
