झुम्का । थारु भाषामा स्थानीय पाठ्यसामग्री र पौराणिक गित झुम्कामा बिमोचन गरिएको छ ।
स्थानीय थारु भाषाको पाठ्यसामग्री निर्माण समितिले थारु भाषाको कक्षा १ देखी ५ सम्म पठनपाठनमा योग्य हुने पाठ्यसामग्री निर्माण गरेका हुन् । भने थारु भाषाको लोपोन्मुख चाचैर बिरहैन गित थारु चलचित्र तथा सांस्कृतिक संघले सुनसरीले निर्माण गरेको हो ।
झुम्का स्थित थारू कल्याणकारीणि सभा भवनमा एउटै मन्चमा भएको दुईवटै कार्यक्रम पाठ्यसामग्री र गितको रामधुनी नगरपालिका नगरप्रमुख शंकरलाल चौधरीले बिमोचन गरेका थिए । सो अवसरमा उनले आफ्नो भेष, भुसामा कार्यक्रममा सजिएर आउने थारु महिलाहरूले आफ्नो अस्तित्व जोगाइरहेको चर्चा गर्दै भाषा, सस्कृति संरक्षणका लागि आफू पनि लागि परेको बताए ।
कार्यक्रममा रामधुनी नपाका पूर्व नगरप्रमुख जयप्रकाश चौधरीले आफू नगरमा भएको अबस्थामा भाषा, संस्कृति संरक्षण लागि काम गरेको चर्चा गरे ।
रामधुनी नपा शिक्षा शाखा प्रमुख राजन गेलालले नपाले थारु भाषामा समेत पाठ्यसामग्री तयार गरिरहेको जानकारी गराउदै यो पाठ्यसामग्री सहयोगी हुने धारणा राखे । उनले कक्षा १ देखि प्लस टु कक्षा सम्मका लागि स्थानीय भाषा पाठ्यसामग्री तयार गरिने बताए। पाठ्यसामग्रीमा सबै बिषयवस्तु संस्कृति र पुराना ब्यबहारिक बिषय बस्तु समेटेनु पर्ने उनले धारणा राखे ।
कार्यक्रममा नेपाल आदिवासी जनजाती पत्रकार महासंघ( फोनिज) सुनसरीका पूर्व अध्यक्ष धिरेन्द्रकुमार चौधरीले थारु समुदायको साँस्कृतिक धरोहर, ग्राम थान र सिरुबा मेला लाग्ने ठाउ बिनासको अबस्थामा रहेको चर्चा गर्दै थारू भाषाको पाठ्यसामग्री र लोपोन्मुख गितले थारु भाषा संस्कृती जगेर्ना हुने आशा व्यक्त गरे ।
कार्यक्रममा थारु कल्याणकारीणि सभाका पुर्व अध्यक्ष चन्द्रनारायण चौधरीले कार्यक्रमले थारु भाषा संस्कृती जगेर्नाका लागि महत्वपूर्ण साबित हुने बिचार राखे ।
रामधुनी नपा वडा न. ५ का वडा अध्यक्ष लेखनाथ बास्तोलाले यस क्षेत्रमा थारु समुदायको बाहुल्यता रहेकोले यी समुदायको बिकासका लागि काम गर्नुपर्ने जोड दिए । रामधुनीकै वडा न. ९ का वडा अध्यक्ष घनश्याम चौधरीले थारु समुदायको बिकासका लागि अझै धेरै काम गर्न बांकी रहेको बताए ।
थारु चलचित्र तथा सांस्कृतिक संघले नव निर्वाचित जनप्रतिनिधिलाई सम्मान समेत गरेको थियो ।
कार्यक्रम संयोजक जानकी चौधरीले स्थानीय नपाको सहयोगमा थारु समुदायको लोपोन्मुख चाचैर बिरहैन गित बनाउन सफल भएको जानकारी दिइन् । थारु समुदायमा गाइने पुरानो गित बिरहैन, पराती, झुमैर, धुम्रा नाच, समाचकेवा रहेको छ ।
गितको सम्पादन मेगा डिजिटलले गरेका छ्न । गितकार आशा चौधरी, तारा चौधरी, दुलारी चौधरी रहेका छन् । हार्मेनियममा लालबहादुर चौधरी र बाजा मिर्दङमा कमल चौधरी रहेका छन् । सो कार्यक्रम लालबहादुर चौधरीको अध्यक्षतामा सम्पन्न भएको थियो ।
