दीपक कार्की
इटहरी । प्रदेश नम्बर १ का सामाजिक विकास मन्त्री राजन राईले शिक्षालाई गुणस्तरीय, व्यवहारिक र व्यवसायिक बनाउन नीतिगत रुपमा सुधार गर्नु पर्ने बताएका छन् ।
सुनसरीको इटहरीमा जनता माध्यमिक विद्यालयको ६५ औं वार्षिक उत्सव तथा अभिभावक दिवसको अवसरमा आयोजित कार्यक्रमका प्रमुख अतिथी मन्त्री राईले पछिल्लो समयमा पाठ्यक्रममा सुधार आइरहेको भएपनि अझै सुधारको खाँचो रहेको बताएका हुन् ।
कलेजको पढाई पुरा गर्ने बित्तिकै जीवन निर्वाह गर्न सक्ने पेशा अनाउने सक्षम हुने अवस्था अहिलेसम्म नगरेको भन्दै प्रदेश सरकारले शिक्षा क्षेत्रको सुधारका लागि गुणस्तरीय, व्यवहारिक र व्यवसायिक शिक्षाका लागि नीतिगत रुपमा सुधार गर्ने अभियानमा रहेको समेत मन्त्री राईले जानकारी गराए । जनता माविको पठन–पाठन राम्रो रहेको आफूले नजिकबाट निहालेकोे भन्दै मन्त्री राईले अझ सफताको शुभकामना समेत दिएका थिए ।
विद्यालयको बार्षिक उत्सव तथा अभिभावक दिवसका अवसरमा आयोजित सो कार्यक्रममा विद्यालयको आर्थिक वर्ष २०७७।०७८ को लेखापरिक्षण प्रतिवेदन, आव २०७७–०७८ को सामाजिक परिक्षण प्रतिवेदन विद्यालयका प्रध्यानाध्यापक पशुपति सिग्देलले प्रस्तुत गरेका थिए । विद्यालयमा अध्ययनरत बिभिन्न कक्षाका ३७ जना विद्यार्थीहरुलाई छात्रावृति समेत वितरण गरिएको थियो । त्यसै गरी कक्षागत रुपमा प्रथम, द्धितिय र तृतीय हुने विद्यार्थीहरुलाई पुरस्कार प्रदान गरिएको थियो ।
वार्षिक उत्सव तथा अभिभावक दिवस विद्यालय व्यवस्थापन समितिका अध्यक्ष काशीनाथ दंगालका अध्यक्षता रहेको थियो । कार्यक्रममा विद्यालय व्यवस्थापन समितिका पूर्व अध्यक्षहरु फुलराज सुवेदी, कमल राज रेग्मी विद्यालयका पूर्व प्रधानध्यापक प्रेमप्रसाद न्यौपाने, छत्रपति ढुंगेल, बलराम पोखरेल अक्षयकोष दाताहरु लेखनाथ घिमिरे, पुजा उपाध्याय बराल, हिरामणी घिमिरे, अभिषेक नेपाल, पुन्यप्रसाद न्यौपाने लगायतका उपस्थिित रहेको थियो ।
