धरान । धरान उपमहानगरपालिका वडा नम्बर १४ बिजयपुरकी मेरिका बास्कोटा दि हिडन ट्रेजरद्वारा आयोजित मिस नेपाल–२०२२ को फाइनलमा पुगेकी छन् ।
देशभरिबाट करिब ८ सय जना युवतीहरुले मिस नेपालमा भाग लिन आवेदन दिएका थिए । देशका सात वटै प्रदेशमा भएको अडिसनबाट छानिएका २ सय जनाको गत जेठ–३ गते राजधानी स्थित होटल याक एन्ड यतिमा प्रतिष्पर्धा भएको थियो। उक्त प्रतिष्पर्धाबाट धरानकी मेरिका फाईनलका लागि उत्कृष्ट २४ मा पर्न सफल भएकी थिइन् । मेरिकाले आफूलाई भोट दिएर जिताउन सबैसंग आग्रह गरेकी छन् । उनलाई भोट दिनका लागि मोबाएलको प्ले स्टोरमा गएर खल्ति एप्स डाउनलोड गरि इभेन्ट सेक्सनमा गएर क्लीक गर्ने र त्यहाँ मिस नेपाल–२०२२ लेखेको आइकन आउछ त्यहाँ क्लीक गर्ने त्यसपछि सबै सहभागिहरुको प्रोफाइल आउछ । त्यसपछि मेरिकाको प्रतियोगि नम्बर ७ मा क्लिक गरेर भोट गर्न सकिन्छ । जहाँ एउटा फ्री भोट हुन्छ भने अन्य पैसा तिरेर जति पनि भोट गर्न सकिनेछ । मिस नेपाल–२०२२ को फाईनल प्रतिष्पर्धा आगामी असार–४ गते गोदावरीको कन्भेन्सन हलमा हुदैछ । धरानको बिष्णु मेमोरियल मा.बि.बाट एस.ई.ई. र प्लस टु उत्तिर्ण गरेकी मेरिकाले भैरहवा मेडिकल कलेजबाट बि.डि.एस.को अध्ययन पुरा गरेको उनका काका सुमन बास्कोटाले जानकारी दिए । मेरिकालाई आफ्नो अमूल्य भोट दिएर जिताउन समेत बास्कोटाले आग्रह गरे ।
