इटहरी । मेडिकल ल्यावोरेटरी एसोसिएसन अफ नेपाल (मेलान) जिल्ला समिति सुनसरीले निःसाहाय बालबालिका सेवा आश्रमलाई फलफूल साथै खाद्य सामाग्री प्रदान गरेको छ ।
वुधबार मेलानको १६ औं स्थापना दिवसको अवसरमा इटहरी–४ मा रहेको आश्रमलाई मेलान सुनसरी जिल्ला अध्यक्ष डा. खगेन्द्र ओलीको संयोजकत्वमा खाद्य सामाग्री प्रदान गरिएको हो । डा. ओलीले स्याउ, आँप साथै मैदा, चाउ–चाउ, भुजालगायतका खाद्य सामाग्री प्रदान गरिएको बताए । कार्यक्रममा मेलान केन्द्रीय सल्लाहकार प्रकाश अधिकारीसहित सुनसरी जिल्ला कायस् समिति सदस्यहरुसमेत सक्रिय सहभागि भएका थिए ।
मेलान गुणस्तरीय र जनपक्षीय स्वास्थ्य प्रयोगशाला सेवा र यस पेशामा आवद्ध जनशक्तिहरुको पेशागत हक हितको सुनिश्चितताका लागि काम गर्दै आएको संस्था हो । सो अवसरमा मेलान स्थापना दिवसको शुभकामनासमेत आदान–प्रदान गरिएको थियो । स्थापना दिवसको अवसरमा शुभकामना व्यक्त गर्दै मेलानले आम नागरिकलाई कोभिड–१९ बाट बच्न स्वास्थ्य मापदण्ड अपनाउनसमेत अनुरोध गरेको छ ।
विश्व स्वास्थ्य संगठनले दान गर्दा पनि संक्रमण न्यूनीकरण गर्न सकिन्छ भन्ने सन्देश प्रवाह गरेअनुसार आफूहरुद्वारा पनि यस्तो दानको कार्यक्रम आयोजना गरिएको मेलानसँग आवद्ध चिकित्सकहरु बताउछन् ।
