इटहरी । इटहरी उपमहानगरले खनजोत गर्न मिनि पावर ट्रि
लर उपलब्ध गराएपछि कृषकहरु उत्साहित भएका छन् ।
आइतबार बिहान उपमहानगर परिसरमा उपमहानगर प्रमुख द्वारिकलाल चौधरी र उपप्रमुख लक्ष्मी गौतमले ११ वटा पावर ट्रिलर कृषकहरुलाई हस्तान्तरण गर्नुभयो ।
कृषिसमूह र उद्यमी कृषकलाई मिनि पावर ट्रिलर हस्तान्तरण गरिएको हो । मिनि पावर ट्रिलर प्राप्त भएपछि अव खेतिपातीमा धेरै सजिलो हुने इटहरी– १५ की तरकारी खेति गर्ने कृषक शर्मिला चौधरीले बताउनुभयो । उहाँले खुशी हुदै भन्नुभयो–‘गोरुले जोतेर आफै खनजोत गरेर तरकारी खेति लगाउदै आएकी थिएँ, नगरपालिकाले ठूलो गुन लगायो अव सजिलो भयो ।’ उहाँले १५ कठ्ठा जग्गामा तरकारी खेति लगाउदै आउनुभएको छ ।
इटहरी उपमहानगरको ७५ प्रतिशत लगानीमा मिनि पावर ट्रिलर वितरण गरिएको हो । इटहरी उपमहानगरले इटहरीलाई 
कृर्षीमा आत्मनिर्भर बनाउन बिभिन्न कार्यक्रम र अनुदानमा विभिन्न कृषि सम्वन्धी समाग्री वितरण गर्दै आएको छ ।
यसैबीच, इटहरी उपमहानगरमा बजारलाई स हज बनाइने भएको छ । उपमहानगर प्रमुख द्वाकिरलाल चौधरीको अध्यक्षतामा आइतबार बिहान वसेको वैठकले जेठ २८ गतेको मन्त्रीपरिषदको वैठकको निर्णय वमोजिम इटहरीको बजारलाई सहज बनाउने निर्णय भएको हो ।
तोकिएको वाहेकका ब्यापार ब्यवसाय दिनभर संचालन गरिने छ । जनप्रतिनिधिहरु, प्रहरी प्रशासन, उद्योग वाणिज्य संघ सहितको वैठकले सटर बाहिर भने कुनै पनि ब्यापार ब्यवसाय संचालन गर्न नपाउने निर्णय गरेको छ । सब्जि भने सामाजिक दुरी कायम गरेर वेचविखन गर्न पाइने छ । सामाजिक दुरी पालना भए नभएको कडाइका साथ अनुगमन हुने भएको छ । कोरोना जोखिम कायमै रहेकाले सामाजिक दुरी कडाइका साथ कार्यावन्यन गर्न उपमहानगरले आग्रह गरेको छ ।
