इटहरी । खप्तडी बस्नेत वंश वत्छला कुलपुजा समिति इटहरी–१७ बिसनपुरले इटहरी अस्पताललाई ५० हजार बराबरको स्वास्थ्य सामाग्री प्रदान गरेको छ ।
समितिले इटहरी उपमहानगरपालिकाकी उपमेयर लक्ष्मी गौतमलाई स्वास्थ्य समाग्री हस्तान्तरण गरेको हो । संस्थाका सचिव राजेन्द्र बस्नेतले आफ्नो कुल पुजाको समयमा सबै बस्नेत बन्धुहरुको तर्फबाट सहयोग गरिएको बताउनु भयो । उपप्रमुख लक्ष्मी गौतमले यस्तो महामारीको बेला गरिएको सहयोगको ठूलो महत्व हुने बताउदै धन्यवाद ज्ञापन गर्नुभयो ।
