इनरुवा÷नेपाल कम्युनिष्ट पार्टी (नेकपा) जिल्ला कमिटिले अनुगमन सुरु गरेको छ ।
नेकपा जिल्ला कमिटी सुनसरीका अध्यक्ष योगेन्द्र प्रसाद मण्डल (पप्पु) को नेतृत्वमा अनुगमन गरेको हो । कोशी गाउँपालीका, भोक्राहा गाउँपालिका र हरिनगर गाउँपालिका वडा नं. ३ मा अनुगमन गर्दै सरोकारवाला पक्षसँग छलफल पनि गरेको छ ।
छलफल पछि खुला सीमा भएकाकारण भारतबाट लुकिछिपी नेपाल प्रवेश गर्ने गरेको निष्कर्ष निकालिएको छ । भारतबाट चोरी तस्करी पनि बढेको बताइएको छ । सरोकारवाला पक्षले सिमानाकाबाट लुकिछिपी हुने आवतजावत, तस्करी हुने गरेकोले त्यसलाई नियन्त्रण गर्न प्रशासन सक्रिय हुनु पर्ने माग उठाएका छन् ।
सिमानाकाबाट लुकीछिपी हुने आवतजावतले त्रासको वातावरण सिर्जना भएकोले सीमा नाकामा कडाई गरिनु पर्ने आवज उठेको छ । वोर्डरबाट रातिको समयमा रजनिगन्धा, खैनि, चिनी, कपडा लगायतका सामग्री आइरहेको उनीहरुले बताए ।
साथै किसानका समस्या (मल, बिउ, विजन) चाडो भन्दा चाडो समाधान गर्नुपर्ने माग पनि अघि सारिएको छ । अनुगमनको क्रममा जनतालाई राहतको अवस्थाबारे पनि सोधीखोजी गरिएको छ ।
