काठमाडौँ । दार्चुलाको कालापानी क्षेत्रमा सीमा सुरक्षाका लागि सशस्त्र प्रहरीको छाङरुमा सीमा सुरक्षा पोष्ट स्थापना गरिएको छ ।
आज बुधबार हेलिकोप्टरबाट बन्दोबस्तीको सामानसहित गएको टोलीले सुरक्षाा पोष्ट स्थापना गरेको हो । सो क्षेत्रमा छिमेकी देश भारतले नेपालकोे सीमा मिचेर सडक बनाएको भनी जनस्तरबाट व्यापक आक्रोश व्यक्त गरिदै छ । जनस्तरबाट आफ्नो देशको सीमाको सुरक्षा गर्नु पर्ने माग उठिरहेको बेला नेपाल सरकारको तर्फबाट पनि यसबारेमा पहलकदमी अघि बढाइएको छ ।
दार्चुला सदरमुकामको नेपाली सेनाको ब्यारेकमा हेलिकोप्टर अवतरण गराइएको थियो । त्यहीँबाट सशस्त्र प्रहरीको १२ जनाको टोलीलाई छाङरुमा गएको छ । त्यहाँ २५ जना सशस्त्र प्रहरी राख्ने बताइएको छ ।
