इटहरी । नेपाल कम्युनिष्ट पार्टी (नेकपा) रामधुनी नगर कमिटि सुनसरीले रामधुनी नगरपालिकामा रोकिएको राहत वितरण कार्य तुरुन्तै सुरु गर्न माग गरेको छ ।
नेकपा रामधुनी अध्यक्ष राम कोइरालाको नेतृत्वमा गएको प्रतिनिधिमण्डलले नगरप्रमुख जयप्रकाश चौधरीलाई भेट गरी राहत सम्वन्धमा ६ वुँदे माग पत्र पेश गरेको हो ।
नेकपाले सवै वडामा एकरुपता कायम गरि राहत वितरण गर्न र अतिविपन्न श्रमजीवि जनतालाई बाँच्न सक्ने गरि खाद्य समाग्री उपलब्ध गराउन माग गरिएको छ ।
यसैगरी यथाशिघ्र बजार अनुगमन गरी उपभोग्य समाग्रीको मूल्यसूची सार्वजनिक गर्न तथा राहत वितरणको सर्वदलीय अनुगमन गर्ने ब्यवस्था गर्न आग्रह गरिएको छ ।
यसअघि नेपाली काँग्रेस रामधुनी र उद्योग वाणिज्य संघ झुम्काले राहत समाग्रीको मूल्य र गुणस्तरमा प्रश्न उठाउदै ध्यानाकर्षण गराएपछि जारी राहत वितरण कार्य स्थगित भएको थियो ।
