मोरङ । कोरोना भाइरसको संक्रमण नफैलियोस भने नेपाल सरकारले लगाएको लकडाउनको पूर्ण रुपमा पालना नभएको भन्दै चौतर्र्फी आलोचना भइरहेको समयमा गृह मन्त्रालयले लकडाउनलाई थप कडा पार्न निर्देशन गरे वमोजिम प्रदेश नम्बर १ का बिभिन्न ठाउँमा कडाइ गर्न थालिएको छ ।
लकडाउनको समयमा समेत विभिन्न वहाना वनाएर जथाभावी रुपमा घर वाहिर निस्कने कार्यलाई निरुत्साहित गर्न सुरक्षाकर्मीहरु कडाइ गर्न थालेका हुन् ।
मोरंगको सुन्दरहरैंचा क्षेत्रमा समेत लकडाउन पालना नगरि विभिन्न वहाना वनाएर बजार, चौक क्षेत्रमा निस्कनेहरुलाई सशस्त्र प्रहरी बल हाइवे चेक पोष्ट सलकपुरले कारवाही गरेको छ । लकडाउनको उलंघलन गरी हिड्ने व्यक्ति तथा सवारीहरुलाई नियन्त्रणमा लिएर कारवाही गरिएको चेक पोष्टका इञ्चार्ज सशस्त्र प्रहरी निरिक्षक विदुर भट्टराईले जानकारी दिए । उनले विना काम निस्किनेहरुलाई चेकजाँचका क्रममा रोकेर एक घण्टा सम्म कोरोना रोकथाम, नियन्त्रणमा सर्वसाधारणको भुमिका लगायतका कोरोनाबाट बच्ने विषयमा सन्देस मुलुक जानकारी गराएर छोडिएको बताए ।
त्यसै गरी सशस्त्र प्रहरीको चेकजाँचका क्रममा अनावश्यक रुपमा वाहिर निस्केको पाइएका मानिसहरुले पनि आफुहरुबाट गल्ती भएको स्वीकार गर्दै गल्ती नदोहोर्याउने प्रतिवद्धता जनाए ।
सुन्दरहरैंचाको सलकपुर क्षेत्र मात्र नभएर लकडाउनको समयमा समेत विना काम वाहिर निस्कने रमितेहरुको संख्या अन्य ठाउँहरुमा समेत उल्लेखिय हुने गरेको छ ।
