इटहरी । इटहरी उपमहानगरले जनता बहुमुखी क्याम्पसमा संचालन गरेको क्वारेन्टाइनमा नेपाल सहित तीन देशका ८१ जना नागरिक रहेका छन् ।
इटहरी उपमहानगरपालिकाकी उपप्रमुख लक्ष्मी गौतमकाअनुसार क्वारेन्टाइनमा ६० जना भारतीय, ७ जना पाकिस्तानी र १४ जना नेपाली नागरिक छन् । त्यहाँ ७८ जना पुरुष र ३ जना महिला छन् । क्वारेण्टाइनमा रहेका सवैजनाको अवस्था सामान्य छ । त्यहाँ जनता क्यामपसको क्यारेण्टाइन सय जना क्षमताको छ ।
यसैबिच इटहरीबाटै स्वाब संकलन थालिएको छ । क्वारेन्टाइनमा रहेका २० जनाको स्वाब परीक्षणको स्याम्पल लिएर कोशी अस्पताल विराटनगरमा पठाइएको छ । परिक्षणको चाँडै पिसिआर रिर्पोट आइसक्ने इटहरी अस्पतालका इमरजेन्सी प्रमुख रामकुमार धमलाले जानकारी दिए ।
